ევროპარლამენტის სადამკვირვებლო დელეგაციის ნაწილი საქართველოშია

30/09/2021

14:23

A-

ევროპარლამენტარების სადამკვირვებლო დელეგაციის ნაწილი უკვე საქართველოშია. 2 ოქტომბერს, ეუთო/ოდირის საერთაშორისო სადამკვირვებლო მისიის ფარგლებში, ევროპარლამენტი, ეუთო/ოდირთან და ევროპის საბჭოს ადგილობრივ და რეგიონულ ხელისუფალთა კონგრესთან ერთად, საქართველოში ადგილობრივ არჩევნებს დააკვირდება. ევროპარლამენტის დელეგაცია შვიდი დეპუტატისგან შედგება და მათი დღის წესრიგი უკვე გაწერილია.

საქართველოში ევროკავშირის წარმომადგენლობის ინფორმაციით, დაგეგმილია ევროპელი დეპუტატების შეხვედრა საქართველოს პრეზიდენტთან და პრემიერ მინისტრთან.

„ჩვენ აქ ჩამოვედით ევროპული მისიით, რათა დავაკვირდეთ ადგილობრივ არჩევნებს და იმედი გვაქვს, რომ ეს იქნება გამჭვირვალე და დემოკრატიული არჩევნები“, - აღნიშნა დელეგაციის წევრმა, ევროპარლამენტარმა კატალინ ჩენმა.

215320