ევროპარლამენტარი ადრიაშ ლასლო აცხადებს, რომ 2019-2023 წლებში ევროკავშირმა არასამთავრობო ორგანიზაციების გრანტებზე 17 მილიარდი ევრო დახარჯა. მისივე თქმით, ამ გრანტების შესახებ დეტალური ინფორმაცია არ იძებნება და ძირითადად, ცნობები ზოგადი ხასიათისაა.

„ევროკავშირმა 2019-დან 2023 წლამდე არასამთავრობო ორგანიზაციების გრანტებზე 17 მილიარდი ევრო დახარჯა. 30 000-ზე მეტი გრანტის შესახებ მხოლოდ ძირითადი ინფორმაციაა ხელმისაწვდომი. ესენი არიან უნგრეთის წამყვანი მემარცხენე პოლიტიკური ორგანიზაციები და აჩვენებს, თუ რამდენი მიიღეს მათ ევროკავშირის გადასახადის გადამხდელების ფულიდან. ისინი ასევე იღებდნენ USAID/NED/სახელმწიფო დეპარტამენტის ხელფასს ბაიდენის ადმინისტრაციის დროს. ეს უნდა შეწყდეს!“, – წერს ევროპარლამენტარი.

ამასთან, ლასლო აზიარებს უნგრეთის საერთაშორისო კომუნიკაციების სახელმწიფო მდივნის ზოლტან კოვაჩის პოსტს, სადაც ადგილობრივი არასამთავრობო ორგანიზაციების დაფინანსებებია ნაჩვენები.

„ევროკომისია უნგრეთს ესხმის თავს იმ ორგანიზაციების მეშვეობით, რომლებსაც ის ევროპელი გადასახადის გადამხდელების მილიარდობით ევროთი აფინანსებს. როგორ არ ნიშნავს ეს ჩვენს არჩევნებში ჩარევას?“, – წერს კოვაჩი.