ამერიკის შეერთებული შტატების პრეზიდენტი ადასტურებს, რომ რუსეთის წარმომადგენელი შტატებში მოლაპარაკებებისთვის იმყოფება.
დონალდ ტრამპის განაცხადებით, ევროპას არ გამოუვიდა ვლადიმირ პუტინთან მოლაპარაკებების წარმოება უკრაინაში ომის დასრულების მიზნით, სწორედ ამიტომ ახლა ის ყველაფერს გააკეთებს, რომ კონფლიქტი ამერიკის ჩართულობით დასრულდეს.
"ევროპა წარუმატებელი იყო პრეზიდენტ პუტინთან ურთიერთობაში, მაგრამ ვფიქრობ, მე წარმატებული ვიქნები. ჩვენთან არის რუსეთის სპეციალური წარმომადგენელი, მასთან ვსაუბრობთ ომის დასრულებაზე, გვსურს რომ კონფლიქტი რაც შეიძლება მალე შეწყდეს. ამ ომის გამო ყოველდღიურად ათასობით ადამიანი იღუპება, ისინი ძირითადად ჯარისკაცები არიან, უკრაინელი და რუსი სამხედროები. ამიტომ ეს უნდა დასრულდეს. ჩვენ წამყვან როლს ვასრულებთ ომის დამთავრების მცდელობაში, ვიტყვი იმას, რომ მხარეებთან მნიშვნელოვანი მოლაპარაკებები და საუბრები მიმდინარეობს," - აცხადებს შტატების 47-ე პრეზიდენტი.
0
0
