აშშ-ის პრეზიდენტმა დონალდ ტრამპმა დავოსში სიტყვით გამოსვლის დასაწყისში განაცხადა, რომ მოხარულია ამდენი მეგობრისა და ასევე მტრის წინაშე წარდგომით.

მან ასევე განაცხადა, რომ  „თუ აშშ-ში ყველაფერი კარგადაა, მაშინ მთელ მსოფლიოშიც ყველაფერი კარგადაა, ხოლო თუ ცუდად — მაშინ მთელ მსოფლიოში სტაგნაციაა“, 

„აშშ პლანეტის ეკონომიკური ძრავაა. როდესაც ამერიკა აღმავლობას განიცდის, მასთან ერთად იზრდება მთელი მსოფლიო. ასე იყო ყოველთვის ისტორიაში. როდესაც ჩვენთან საქმეები ცუდად მიდის — ყველასთვის ცუდი პერიოდი დგება. ჩვენ ან ქვემოთ გექაჩებით, ან ზემოთ მიგიძღვით და თქვენ მოგვყვებით ჩვენ“.- განაცხადა ტრამპმა. 

მან ასევე თქვა, რომ უყვარს ევროპა, მაგრამ ის არასწორი მიმართულებით მიდის. 

"მე მიყვარს ევროპა, მინდა ვხედავდე, რომ მას ყველაფერი კარგად აქვს, მაგრამ მეშინია, რომ ის არასწორი მიმართულებით მიდის. -ევროპა საკუთარ თავს ანადგურებს, ის ცივილიზაციურ საფუძვლებს ჩამოშორდა - აშშ-ს ძლიერი მოკავშირეები სჭირდება, ამიტომ ევროპა ძლიერი უნდა იყოს;"