“ევროკომისიის შეფასება საქართველოს შესაბამისობაზე ევროკავშირის ძირითად კრიტერიუმებთან ნათლად მიუთითებს, რომ საქართველო რეფორმების სწორ გზაზეა”, – ამის შესახებ საპარლამენტო უმრავლესობის წევრი არჩილ თალაკვაძე სოციალურ ქსელ „ტვიტერში“ წერს.

მისი თქმით, საქართველო იმსახურებს კანდიდატის სტატუსის მიღებას და ეს მოხდება.

„ევროკავშირთან ინტეგრაცია ჩვენი ერის ისტორიული არჩევანი და ძლიერი მისწრაფებაა. ჩვენ ვიმსახურებთ კანდიდატის სტატუსის მიღებას და ეს მოხდება“, – აცხადებს არჩილ თალაკვაძე.

ევროკომისიამ საქართველოს მიერ ევროკავშირში გაწევრიანებაზე განაცხადის შესახებ ანგარიში გამოაქვეყნა.