„პოლიტიკოს“ ცნობით, ევროკომისია განიხილავს, როგორ შეუძლიათ, დაეხმარონ უკრაინას სატელიტური კავშირის უზრუნველყოფაში. ეს მას შემდეგ ხდება, რაც გავრცელდა ინფორმაცია ილონ მასკის მიერ უკრაინისთვის Starlink-ის ქსელზე წვდომის შესაძლო შეწყვეტის შესახებ.

ევროკომისიის წარმომადგენელმა, თომას რეგნიერმა განაცხადა, რომ უკრაინა დაინტერესდა ევროკავშირის სახელმწიფო სატელიტური ქსელის (Govsatcom) გამოყენებით, ასევე IRIS² სისტემით – ახალი თანავარსკვლავედი, რომელიც მხოლოდ 2030-იან წლებში უნდა ამოქმედდეს.

ფრანგმა ევროპარლამენტარმა ევროკავშირს წერილობით მიმართა და მოუწოდა, სასწრაფოდ მოძებნოს ალტერნატიული სატელიტური შესაძლებლობები უკრაინისთვის.

ერთ-ერთი შესაძლებლობაა Govsatcom-ის დაჩქარებული დანერგვაა, ვიდრე IRIS² შეიქმნება.

გასულ წელს უკრაინულმა მხარემ განაცხადა, რომ ქვეყანაში დაახლოებით 42 000 Starlink-ის ტერმინალი მუშაობს. მათგან დაახლოებით ნახევარს პოლონეთი აფინანსებს.