ევროკავშირის წევრი ქვეყნების მცხოვრებლებს რუსული ენის სწავლა მოუწევთ, თუ ამ ქვეყნების ხელისუფლება სამხედრო საჭიროებისთვის მეტი თანხის გამოყოფას არ დაიწყებს. ამის შესახებ ნატო-ს გენერალურმა მდივანმა მარკ რუტემ განაცხადა.

ორგანიზაციის ხელმძღვანელმა ევროპარლამენტში გამოსვლისას თავდაცვის ხარჯების გაზრდის აუცილებლობაზე ისაუბრა.

„თუ ამას არ გავაკეთებთ, ოთხ-ხუთ წელიწადში მოგვიწევს რუსული ენის კურსების გავლა ან ახალ ზელანდიაში წასვლა“, - აღნიშნა მან.

ნატო-ს გენერალურმა მდივანმა, ასევე, გამოთქვა რწმენა, რომ აშშ არ დატოვებს ორგანიზაციას ქვეყნის არჩეული პრეზიდენტის დონალდ ტრამპის ინაუგურაციის შემდეგ. 

რუტეს აზრით, ამერიკის ხელმძღვანელობა მომავალშიც გააგრძელებს ევროკავშირის მხარდაჭერას.