ევროკავშირის სტრატეგია უკრაინის ომთან დაკავშირებით „ჩავარდა“ და ბლოკმა უნდა შექმნას ახალი გეგმა, რადგან უკრაინელები ფრონტზე ვერ გაიმარჯვებენ, - ამის შესახებ უნგრეთის პრემიერ-მინისტრმა ვიქტორ ორბანმა განაცხადა.

ორბანმა ბრიუსელში ევროკავშირის სამიტზე განაცხადა, რომ ვერ ხედავს მიზეზს, რომ უნგრეთმა თავისი გადასახადის გადამხდელთა ფული უკრაინის მხარდასაჭერად გაგზავნოს.

„ჩვენ აღმოვაჩინეთ, რომ ეს წინადადება არ იყო სათანადოდ შემუშავებული და არ ჰქონდა სერიოზული მოლაპარაკებების საფუძველი, ამიტომ ჩვენ უარვყავით ეს წინადადება“, - აცხადებს ორბანი.

ორბანმა აღნიშნა, რომ ყველაზე დიდი პრობლემა ის იყო, რომ ბრიუსელის სტრატეგია უკრაინაში ფულისა და სამხედრო დახმარების გაგზავნის მიზნით, რუსეთის წინააღმდეგ ბრძოლაში დასახმარებლად ჩავარდა.

„დღეს ყველამ იცის, მაგრამ ისინი ვერ ბედავენ ამის ხმამაღლა თქმას, რომ ეს სტრატეგია ჩაიშალა. აშკარაა, რომ ეს არ იმუშავებს. უკრაინელები ფრონტზე ვერ გაიმარჯვებენ, საჭიროა ახალი გეგმის შემუშავება“, - დასძინა უნგრეთის პრემიერმა.