პოლიტიკურად მოტივირებული დევნა და ოპოზიციონერი პოლიტიკოსების დაპატიმრება ეწინააღმდეგება ძირითად დემოკრატიულ ღირებულებებს, – ამის შესახებ ევროკავშირის საგარეო პოლიტიკური უწყების პრესსპიკერი ანიტა ჰიპერი სოციალურ ქსელში წერს.

როგორც ანიტა ჰიპერი აღნიშნავს, „ქართულმა ოცნებამ“ უნდა შეწყვიტოს სასამართლო სისტემის იარაღად გამოყენება.

„პოლიტიკურად მოტივირებული დევნა და ოპოზიციონერი პოლიტიკოსების დაპატიმრება ეწინააღმდეგება ძირითად დემოკრატიულ ღირებულებებს. ეს არის ავტორიტარული ტაქტიკა, რომელიც ეწინააღმდეგება იმას, რასაც ევროკავშირის კანდიდატი ქვეყნისგან ელოდებიან. „ქართულმა ოცნებამ“ უნდა შეწყვიტოს სასამართლო სისტემის იარაღად გამოყენება“, – წერს ანიტა ჰიპერი.