რადიო თავისუფლების ევროპის ოფისის უფროსი, რიკარდ იოზვიაკი საქართველოსთვის უვიზო რეჟიმის შესაძლო შეჩერებასთან დაკავშირებით თავის X-ზე:

,,ევროკავშირი საქართველოში გაცემული დიპლომატიური პასპორტების მფლობელებისთვის უვიზო რეჟიმის შეჩერებას გეგმავს. ამ გადაწყვეტილების მიღებას არა ევროკავშირის წევრი ყველა ქვეყნის, არამედ კვალიფიციური უმრავლესობის თანხმობა სჭირდება. ევროკომისიამ გადაწყვეტილება შესაძლოა 16 დეკემბრის სხდომაზე - დადგენილ ვადაზე ადრე - მიიღოს. ევროკავშირის მხრიდან ეს სიმბოლური ჟესტი იქნება, რადგან დიპლომატიური პასპორტების მქონე თანამდებობის პირებს ,,ჩვეულებრივი’’ პასპორტები შეუნარჩუნდებათ, რითაც უვიზო რეჟიმით სარგებლობას შეძლებენ,” – წერს რიკარდ იოზვიაკი X-ზე.