ევროკავშირის მიერ განსაზღვრულ 9 ნაბიჯთან დაკავშირებით, დღეს პარლამენტში რიგით მეორე შეხვედრა გაიმართება. სამუშაო შეხვედრას დაესწრებიან საპარლამენტო უმრავლესობისა და ოპოზიციის წარმომადგენლები. არასამთავრობო სექტორიდან კი მასში მხოლოდ აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის წევრი ორგანიზაციების წარმომადგენლები მონაწილეობენ.

მმართველ გუნდს ოპონენტებისგან კონსტრუქციულობის მოლოდინი არ აქვს. ოპოზიციის ნაწილი კი აცხადებს, რომ პროცესში მონაწილეობას მიიღებს, რათა ხელისუფლებას არ მისცეს იმის თქმის საფუძველი, რომ ისინი არ მონაწილეობენ მუშაობის პროცესში.

შეგახსენებთ, რომ 9 ნაბიჯთან დაკავშირებით პირველი ასეთი შეხვედრა პარლამენტში 29 იანვარს გაიმართა.