გერმანიის საგარეო საქმეთა მინისტრმა ანნალენა ბერბოკმა, 2022 წლის 24 თებერვლის შემდეგ უკრაინაში მეოთხე ვიზიტის ფარგლებში, კიევში ჩასვლისთანავე ბერლინის მზადყოფნის შესახებ განაცხადა, მხარი დაუჭიროს უკრაინას ევროკავშირისკენ მიმავალ გზაზე. მინისტრის განცხადებას გერმანიის საგარეო საქმეთა სამინისტროს პრესსამსახური ციტირებს.

„რუსული ტანკების წინაშე, ბომბების სეტყვის ქვეშ, უკრაინამ თავდაჯერებულად და გადამწყვეტად აიღო გზა ევროკავშირისკენ. დიდი გამბედაობითა და მონდომებით უკრაინა ასევე იცავს თითოეული ჩვენგანის თავისუფლებას", - თქვა ბერბოკმა.

მისი თქმით, ამ გზაზე კიევს შეუძლია ბერლინის მხარდაჭერის იმედი ჰქონდეს, რადგან გერმანია დარწმუნებულია, რომ „ევროკავშირის გაფართოება რუსეთის ომის აუცილებელი გეოპოლიტიკური შედეგია“.