ევროკავშირის ოფიციალური პირების განცხადებით, ჩინეთისა და რუსული ნავთობისა და გაზის შემსყიდველი სხვა ქვეყნების წინააღმდეგ სანქციების დაწესებას განიხილავენ.

The Financial Times-ის ინფორმაციით, აღნიშნული საკითხი ვაშინგტონში ევროკავშირისა და აშშ-ის ოფიციალურ პირებს შორის მოლაპარაკებებამდე განიხილეს. 

„ჩინეთის - რუსული ნავთობისა და გაზის მთავარი შემსყიდველის - წინააღმდეგ მეორადი სანქციების დაწესების საკითხი დისკუსიების დროს ხშირად წამოჭრილა. მეორადი სანქციები საკამათოა და საჭიროებს ევროკავშირის 27 წევრი ქვეყნის ერთსულოვან მხარდაჭერას - სავარაუდოდ, უნგრეთი და შესაძლოა სლოვაკეთიც ამ ნაბიჯს დაუპირისპირდებიან,“ - განუცხადა The Financial Times-ს ანონიმურმა წყარომ.