ევროკავშირი ეწინააღმდეგება ისრაელსა და ირანს შორის რუსეთის შუამავლობას. ევროკომისიის წარმომადგენლის, ანუარ ალ-ანუნის განცხადებით, მოსკოვს, თეირანთან ურთიერთობის გამო, არ შეუძლია იყოს „ობიექტური შუამავალი“.

მისი თქმით, იანვარში რუსეთმა და ირანმა გააფორმეს პარტნიორობის შესახებ შეთანხმება, რომელიც, სხვა საკითხებთან ერთად, ორ ქვეყანას შორის სამხედრო თანამშრომლობის გაძლიერებას ითვალისწინებს.

გარდა ამისა, ევროკომისიის წარმომადგენლის თქმით, რუსეთს „ნულოვანი ნდობა“ აქვს უკრაინის წინააღმდეგ აგრესიული ომის გამო, რომლის დროსაც ის „მუდმივად არღვევს საერთაშორისო სამართალს და გაეროს წესდებას“.