ევროკომისიამ ახლახანს განცხადება გაავრცელა, სადაც დეტალურად არის მიმოხილული ევროკომისიის პრეზიდენტ ურსულა ფონ დერ ლაიენსა და ჩინეთის პრემიერ-მინისტრ ლი ციანს შორის გამართული „კონსტრუქციული“ საუბარი.
„ამერიკის მიერ დაწესებული ტარიფებით გამოწვეული ფართო შეფერხების საპასუხოდ, პრეზიდენტმა ფონ დერ ლაიენმა ხაზგასმით აღნიშნა ევროპისა და ჩინეთის, როგორც მსოფლიოს ორი უდიდესი ბაზრის, პასუხისმგებლობა, მხარი დაუჭირონ მტკიცე რეფორმირებულ სავაჭრო სისტემას, სადაც მკაფიო და სამართლიანი წესები იმოქმედებს და წახალისდება სამართლიანი კონკურენცია თანაბარ პირობებში. პრეზიდენტმა ხაზი გაუსვა არსებული პრობლემების მოლაპარაკებების გზით გადაჭრისა და შემდგომი ესკალაციის თავიდან აცილების აუცილებლობას.
ლაიენმა და ციანმა ასევე განიხილეს ჩინეთის კრიტიკული როლი შესაძლო სავაჭრო გადახრის აღმოფხვრაში, რომელიც გამოწვეულია ტარიფებით, განსაკუთრებით, უკვე დაზარალებულ სექტორებში. ლიდერებმა ისაუბრეს მექანიზმის შექმნაზე, რათა დააკვირდნენ ვაჭრობის ცვლილებებს და დარწმუნდნენ, რომ ნებისმიერი პრობლემა, რომელიც წარმოიქმნება, ეფექტურად აღმოიფხვრება“, - ნათქვამია განცხადებაში.
0
0
