ევროკავშირმა ოფიციალურად გამოაცხადა უკრაინელი სამხედრო მოსამსახურეების სასწავლო მისიის დაწყება, რომელიც 15 000-მდე მებრძოლს მოამზადებს.

ბრიუსელში გამართულ შეხვედრაზე, საგარეო საქმეთა მინისტრებმა საბოლოოდ გადაწყვიტეს, ჩამოაყალიბონ ევროკავშირის სასწავლო მისიის საქმიანობა, რომელიც შეძლებს 15 ათასამდე უკრაინელი სამხედრო მოსამსახურის მომზადებას. ამის შესახებ ევროკავშირის უმაღლესმა წარმომადგენელმა, ჯოზეფ ბორელმა განაცხადა.

მან აღნიშნა, რომ ევროკავშირის ამ მისიის შექმნა რეკორდულ დროში განხორციელდა ყველა საჭირო პროცედურის დაცვით - გადაწყვეტილების მიღებიდან, მის დამტკიცებამდე და განხორციელებამდე.

ჯოზეფ ბორელი იმედოვნებს, რომ მისია ნოემბრის ბოლომდე დაიწყებს მუშაობას.