თბილისის გრანდ სლემის პირველ საშეჯიბრო დღეს ტატამიზე 16 ქართველი ძიუდოისტი გამოვიდა, რომელთაგან -57 კილოგრამ წონით კატეგორიაში ეთერ ლიპარტელიანმა ოქროს მედალი მოიპოვა. ეთერმა ფინალში კანადელი ჯესიკა კლიმკაიტი დაამარცხა.

იქამდე ლიპარტელიანმა ნახევარფინალში სლოვენიელ კაიზერს სძლია.

ფინალურ ბლოკში მეორე ქართველმა ძიუდოისტმა გიორგი სარდალაშვილმაც იასპარეზა. გიორგი ბრინჯაოს მედლისთვის ბრძოლაში აზერბაიჯანელ ბალაბაი აღაიევთან დამარცხდა.

შეგახსენებთ, 23 მარტს წინასწარ შეხვედრებსა და ფინალურ ბლოკს შორის ავთანდილ ჭრიკიშვილის გაცილების ღონისძიება ჩატარდება, ხოლო 24 მარტს ასევე წინასწარ და ფინალურ ბლოკს შორის ვარლამ ლიპარტელიანის.