კატარის დედაქალაქ დოჰაში მიმდინარე ძიუდოს მსოფლიო ჩემპიონატის მესამე საშეჯიბრო დღეს ეთერ ლიპარტელიანმა (57 კგ) პირველი გამარჯვება მოიპოვა – ქართველმა ჩინელი ქი ცაი ვაზარით დაამარცხა და მერვედფინალში გავიდა, სადაც მისი მეტოქე ფრანგი სარა-ლეონ სისიკე იქნება.

დღეს მსოფლიო ჩემპიონატზე იჭიდავა ლაშა შავდათუაშვილმაც (73 კგ). ქართველი მეორე წრეში იაპონელ სოიჩი ჰაშიმოტოს შეხვდა და ვაზარით დამარცხდა. ლაშამ ტურნირი უმედლოდ დაასრულა.

შეგახსენებთ, რომ მსოფლიო ჩემპიონატის პირველ დღეს 19 წლის გიორგი სარდალაშვილმა (60 კგ) ბრინჯაოს მედალი მოიპოვა.