ესპანეთში სახლების ძარცვის ბრალდებით საქართველოს ორი მოქალაქე დააკავეს

04/02/2022

18:10

სამართალი

A-

ესპანეთში ქალაქ მასამაგრელის პოლიციამ საცხოვრებელი სახლების ძარცვის ბრალდებით საქართველოს ორი მოქალაქე დააკავა, - ამის შესახებ ესპანური მედია იუწყება.

35 წლამდე ასაკის ქართველები სახლებს ე.წ. „სლიპის“ მეთოდით ძარცვავდნენ - საკეტის გასაღებად პოლიეთილენის მყარ ფირფიტებს იყენებდნენ.

სამართალდამცველებმა ნივთმტკიცებები ამოიღეს.

გავრცელებული ინფორმაციით, დამნაშავეებმა გასულ ორშაბათს ერთ-ერთ სახლში შეღწევა სცადეს, თუმცა ინსტრუმენტების გაუმართაობის გამო კარის გაღება ვერ შეძლეს. მოგვიანებით პოლიციამ სხვადასხვა მონაცემები შეაგროვა და მათი ადგილსამყოფელი დაადგინა.

დაკავების სპეცოპერაცია სამოქალაქო ფორმაში გადაცმული სამართალდამცველების მიერ განხორციელდა.

455