ესპანეთში, ლა-პალმას კუნძულზე ამოფრქვეული ვულკანიდან ლავამ ატლანტის ოკეანემდე მიაღწია, რამაც ტოქსიკური აირების გამოყოფა და აფეთქებები გამოიწვია. 
ვულკანის ამოფრქვევის შედეგად შექმნილი ორთქლის ღრუბლები კანისა და თვალების გაღიზიანებას იწვევს და გავლენას ახდენს სუნთქვაზე.
19 სექტემბერს, კანარის კუნძულებზე ვულკანის ამოფრქვევის შემდეგ ასობით სახლი დაინგრა.  ევაკუირებულია 6000-მდე ადამიანი, რადგან ლავამ გაანადგურა მათი სახლები, სკოლები და ბანანის პლანტაციები. აფეთქებების გამო, არსებობს სანაპირო ზოლების რღვევის საშიშროებაც.
ესპანეთის ხელისუფლებამ ლა-პალმა - კანარის არქიპელაგის ჩრდილო-დასავლეთი კუნძული - კატასტროფის ზონად გამოაცხადა, ხოლო დაზარალებულებს ფინანსური დახმარებით უზრუნველყოფას დაჰპირდა. 
 

https://www.bbc.com/news/world-europe-58729674