ამერიკის შეერთებული შტატების პრეზიდენტის, ჯო ბაიდენის განცხადებით, მისი და ახლად არჩეული პრეზიდენტ დონალდ ტრამპის გუნდები ერთად მუშაობდნენ ისრაელსა და „ჰამასს“ შორის ცეცხლის შეწყვეტის შეთანხმების მისაღწევად. ამის შესახებ მან პრესკონფერენციაზე განაცხადა.

პრესკონფერენციის დასასრულს კი, ერთ-ერთმა ჟურნალისტმა აშშ-ის პრეზიდენტს ჰკითხა: ვისი დამსახურებაა შეთანხმების მიღწევა, ჯო ბაიდენის თუ დონალდ ტრამპის.

აღნიშნულ კითხვაზე ბაიდენმა ჟურნალისტს ღიმილით უთხრა: „ეს ხუმრობაა?“.

ცნობისთვის, ისრაელმა და „ჰამასმა“ ცეცხლის შეწყვეტისა და მძევლების გათავისუფლების შესახებ შეთანხმებას მიაღწიეს.