ამერიკელი მილიარდერი, აშშ-ის არჩეული პრეზიდენტის ადმინისტრაციის წევრი, ილონ მასკი პლატფორმა X-ზე მარკ ცუკერბერგის საეტაპო მნიშვნელობის გადაწყვეტილებას ეხმიანება.

„ეს მაგარია!" - წერს ილონ მასკი X-ზე და აზიარებს ფოტოს, რომელზედაც მარკ ცუკერბერგი შერეული საბრძოლო ხელოვნების (UFC) აღმასრულებელ დირექტორთან, პრეზიდენტთან დეინა უაითთან ერთადაა და რომელსაც წამძღვარებული აქვს წარწერა:

„ფეისბუკი უარს ამბობს ფაქტების შემოწმებისას სიტყვის თავისუფლების შეზღუდვის მცდელობაზე. მარკ ცუკერბერგი ამბობს, რომ მოდერატორები „ზედმეტად პოლიტიკურად მიკერძოებულები არიან“ და საზოგადოებას ჰპირდება X-ის მსგავს სისტემას".

შეგახსენებთ, რომ META-მ „fact-checking“-ის პროგრამის გაუქმების შესახებ განაცხადა და ცუკერბერგმა პირობა დადო, რომ აღადგენს თავისუფალ გამოხატვას ფეისბუქზე და ინსტაგრამზე. 

„ჩვენ ჩვენს საწყისებს დავუბრუნდებით და შეცდომების შემცირებაზე, პოლიტიკის გამარტივებასა და ჩვენს პლატფორმებზე სიტყვის თავისუფლების აღდგენაზე გავამახვილებთ ყურადღებას“, - ციტირებს Fox News-ი კომპანია Meta-ს გენერალურ დირექტორს მარკ ცუკერბერგს.