ექსპრეზიდენტ მიხეილ სააკაშვილის დედის გიული ალასანიას განცხადებით, მიხეილ სააკაშვილი საქართველოში სრულიად ჯანმრთელი ჩამოვიდა.

მისი თქმით, ექსპერტებს უკვე დასახელებული აქვთ დიაგნოზები, რაც პატიმრის გათავისუფლების საფუძველი უნდა გახდეს.

„რაზეა საერთოდ ლაპარაკი, ჯანმრთელი ადამიანი ჩამოვიდა აქ. პროცესები ყოველდღიურად უნდა გაიმართოს და საერთოდ, უკვე უნდა დამთავრებულიყო, იმიტომ, რომ უკვე დაიდო ისეთი დიაგნოზები, რამდენიმე დიაგნოზი, რომელიც პირდაპირ ათავისუფლებს ადამიანს ყველაფრისგან.

ექსპერტმა თქვა, ეს არის კახექსია, მალაბსორცია, ეს ყველაფერი არის მიზეზი, რომ საერთოდ გაათავისუფლონ ადამიანი. მანამდე, დემენცია ახსენეს, მოწამლულია ადამიანი, სხვა რაღა უნდა ითქვას  კიდევ!“, - აცხადებს გიული ალასანია.