აშშ-ის სახელმწიფო მდივანმა, ენტონი ბლინკენმა გააკრიტიკა დონალდ ტრამპის ინტერესი გრენლანდიის შეძენასთან დაკავშირებით და აღნიშნა, რომ ეს „აშკარად არ არის კარგი იდეა“. ინფორმაციას ამის შესახებ სააგენტო Reuters-ი ავრცელებს.

აშშ-ის არჩეულმა პრეზიდენტმა, დონალდ ტრამპმა სამშაბათს განაცხადა, რომ განიხილავს სამხედრო ძალის გამოყენებას პანამის არხსა და გრენლანდიაზე კონტროლის მოსაპოვებლად.

„გრენლანდიის შესახებ გამოხატული იდეა აშკარად არ არის კარგი, მაგრამ ალბათ, უფრო მნიშვნელოვანი ის არის, რომ ეს აშკარად არ მოხდება. ამიტომ, ალბათ, არ უნდა დავკარგოთ ბევრი დრო ამის განხილვაზე“, - აღნიშნა ენტონი ბლინკენმა.