„გირჩი მეტი თავისუფლების“ ლიდერი, ზურაბ ჯაფარიძე პრემიერ ღარიბაშვილის მიერ გუშინ „იმედისათვის“ მიცემული ინტერვიუს მთავარ მესიჯებს გამოეხმაურა.

„სატანისტებს რაც შეეხება, შეიძლება, დღეს ეს სასაცილოდ ჟღერდა, მაგრამ ეს ახალი ამბავი არ არის, ეს ჩვეულებრივი რუსული მესიჯია. რაც უკრაინაში ომი დაიწყო, მას შემდეგ მე რუსულ არხებს ვუყურებ.

ჩვეულებრივი, სტანდარტული ამბავია. რუსულ არხებზე ჰყვებიან – სიტყვაზე, თუ რუსული არმია რომელიმე უკრაინულ სოფელს დაიკავებს, შემდეგ იქ გადაღებულ კადრებს აჩვენებენ, როგორ იყო იქ მოწყობილი რაღაც სატანისტების კუთხეები და ა.შ. ეს არის ჩვეულებრივი, სტანდარტული რუსული ბოდვა, რომელიც ირაკლი ღარიბაშვილმა აქ, ჩემთან მიმართებით გადმოამღერა. ამაში ახალი არაფერი არ არის, რუსულიდან გადმოღებულია“, – აცხადებს ჯაფარიძე.