ცხინვალის დრამატული თეატრის სამხატვრო ხელმძღვანელი, გოჩა კაპანაძე „უცხოური გავლენის გამჭვირვალობის შესახებ“ კანონპროექტთან დაკავშირებით, ხელოვნების სფეროს სხვადასხვა წარმომადგენლის მიერ გამოთქმულ კრიტიკას „ქრონიკასთან“ ეხმაურება.

„ჩვენ გვაქვს ის ადგილი, სადაც შეგვიძლია ჩვენი პოზიცია დავაფიქსიროთ. ეს არის სცენა, ჩვენი საქმე - მწერალი თავის ნაწარმოებით, კომპოზიტორი თავისი საქმით და ა.შ. ერთმანეთის მიმართ არაეთიკური გამოსვლები გინდა პრესაში და გინდა ტელევიზიაში, აბსოლუტურად მიუღებელია. ჩვენ ერთ ქვეყანაში უნდა ვიცხოვროთ, ჩვენ ერთი საქმე უნდა ვაკეთოთ“, - აცხადებს გოჩა კაპანაძე.

საპარლამენტო უმრავლესობის გადაწყვეტილებით, კანონპროექტი „უცხოური გავლენის გამჭვირვალობის შესახებ“ პარლამენტში ოფიციალურად დაინიცირდა.