ბელგიური სოფლიდან 165 კაციან ჯგუფმა ერთობლივად მოიგო 143 მილიონ ევროზე მეტი EuroMillions ლატარიაში. ამის შესახებ BBC წერს.

ბელგიის ეროვნული ლატარიის მონაცემებით, ანტვერპენის პროვინციის სოფელ ოლმენის თითოეულმა მცხოვრებმა, დაახლოებით, 868 ათასი ევრო მოიგო.

EuroMillions-მა განაცხადა, რომ საბოლოო ჯეკპოტმა 142 897 164 ევრო შეადგინა.

ეროვნული ლატარიის სპიკერმა განაცხადა, რომ ჯგუფური მოგება ბელგიაში იშვიათი არ არის - მაგრამ ეს იყო ყველაზე დიდი ჯგუფური მოგება, რაც კი ოდესმე დაფიქსირდა.

ეს არ არის EuroMillions-ის ყველაზე დიდი ჯეკპოტი - ივლისში ერთმა მოთამაშემ დიდი ბრიტანეთიდან 195 მილიონი ფუნტი მოიგო. მანამდე ბრიტანელმა წყვილმა გლოსტერიდან 184 მილიონი ფუნტი მოიგო.