ფრანგულით პრესის ინფორმაციით, ეროვნულმა ასამბლეამ ფრანსუა ბაირუს მთავრობას უნდობლობა გამოუცხადა. პრემიერის მიერ შემოთავაზებული ნდობის ვოტუმის წინააღმდეგ ხმა 364 დეპუტატმა მისცა.

ეს მეხუთე რესპუბლიკის ისტორიაში პირველი შემთხვევაა, როდესაც მთავრობის მეთაური ნდობის ვოტუმით თანამდებობიდან გადააყენეს.

როგორც "ფოგარო" წერს, ფრანსუა ბაირუ სამშაბათს, დილით, პრეზიდენტ ემანუელ მაკრონს გადადგომის შესახებ განცხადებას წარუდგენს.

კენჭისყრაში 589 დეპუტატიდან 573-მა მიიღო მონაწილეობა კენჭისყრაში, 558-მა ადამიანმა მისცა ხმა. 15 დეპუტატმა თავი შეიკავა. მთავრობისადმი უნდობლობა 364-მა დეპუტატმა დააფიქსირა, ნდობა კი მხოლოდ 194-მა დეპუტატმა.