თურქეთმა გააფრთხილა საბერძნეთი, რომ მისი რაკეტა შეიძლება მოხვდეს საბერძნეთის დედაქალაქში, თუ არ შეინარჩუნებენ სიმშვიდეს. ამის შესახებ Politico წერს.
„ახლა ჩვენ დავიწყეთ საკუთარი რაკეტების წარმოება“ - განაცხადა თურქეთის პრეზიდენტმა რეჯეფ თაიფ ერდოღანმა.
„რა თქმა უნდა, ეს წარმოება აშინებს ბერძნებს. როცა ამბობ "ტაიფუნს", ბერძნებს ეშინიათ და ამბობენ: "ეს დაარტყამს ათენს". „რა თქმა უნდა, დაარტყამს“.
Tayfun არის მოკლე რადიუსის ბალისტიკური რაკეტა, რომელიც შეიქმნა თურქეთის მიერ. რაკეტა, რომელიც გამოსცადეს ოქტომბერში შავ ზღვაზე და დაახლოებით 560 კილომეტრის მანძილზე ხვდება მიზანს, ორჯერ აჭარბებს თურქეთის არსენალში არსებული რაკეტების დიაპაზონს.
„თუ არ დამშვიდდებით, თუ ცდილობთ შეიძინოთ რაიმე შეიარაღებისთვის აქეთ-იქიდან, ამერიკიდან კუნძულებამდე, ისეთი ქვეყანა, როგორიც თურქეთია, არ იქნება გარე დამკვირვებელი. მან რაღაც უნდა გააკეთოს" - აღნიშნა ერდოღანმა.
გასულ კვირას თურქეთის საგარეო საქმეთა მინისტრმა მევლუთ ჩავუშოღლუმ გააფრთხილა საბერძნეთი ეგეოსის ზღვის კუნძულების მილიტარიზაციის შეჩერების აუცილებლობის შესახებ, წინააღმდეგ შემთხვევაში ანკარა „გადადგამს აუცილებელ ნაბიჯებს".
0
0
