თურქეთის პრეზიდენტმა რეჯეფ ტაიფ ერდოღანმა მიოკარდიუმის ინფარქტი გადაიტანა. ამის შესახებ თურქული გამოცემა AVAZTÜRK იტყობინება

ერდოღანი ტელეკომპანია Ulke TV-სა და Kanal 7-ის საღამოს ეთერში უნდა გამოსულიყო, თუმცა პრეზიდენტის განრიგი იმდენად დატვირთული იყო, რომ ეთერი საათ-ნახევრით გვიან დაიწყო.

თურქეთის პრეზიდენტი პირდაპირ ეთერში შეუძლოდ გახდა. ის საარჩევნო კამპანიის ფარგლებში ჟურნალისტების შეკითხვებს პასუხობდა.

ინციდენტის შემდეგ ერდოღანმა წინასაარჩევნო კამპანიის ფარგლებში თურქეთის ქალაქებში მოგზაურობა გააუქმა.

თავად ერდოღანმა სოციალური ქსელის საკუთარ გვერდზე განცხადება გაავრცელა. ერდოღანმა განაცხადა, რომ ავადმყოფობის გამო ექიმებმა დასვენება ურჩიეს.