თურქეთის პრეზიდენტმა რეჯეფ თაიფ ერდოღანმა ვილნიუსში ნატო-ს სამიტზე გაფრენის წინ, ათათურქის აეროპორტში განაცხადა, რომ საღამოს მას ექნება შეხვედრები სტოლტენბერგთან და შვედეთის პრემიერ-მინისტრთან და არავინ არ უნდა მოელოდეს თურქეთის მხრიდან დათმობებს.

„პირველ რიგში, გავუხსნათ გზა თურქეთს ევროკავშირისკენ. მოდით გავუხსნათ გზა შვედეთს" - თქვა პრეზიდენტმა.

ერდოღანის თქმით, სამიტზე  ერთხელ გაიმეორებს მოწოდებას მოკავშირეებისადმი, რომლებიც თურქეთს სანქციებსა და შეზღუდვებს უწესებენ, სწრაფად თქვან უარი ამ უსამართლობაზე.

“თურქეთი მხარს დაუჭერს შვედეთის გაწევრიანებას ნატო-ში, თუ ევროკავშირი თურქეთთან წევრობის შესახებ მოლაპარაკებებს დაიწყებს. ასეთია ერდოღანის ახალი მოთხოვნა” - წერს შვედური პრესა ერდოღანის განცხადებასთან დაკავშირებით.