თურქეთის პრეზიდენტი რეჯეფ თაიფ ერდოღანი 7 დეკემბერს საბერძნეთში გაემგზავრება, რათა მოაწეროს ხელი ორმხრივ დეკლარაციას, რომელიც მიზნად ისახავს ორ ქვეყანას შორის ჩვეულებრივ დაძაბული ურთიერთობების ნორმალიზებას. ამის შესახებ ბერძნული გაზეთი Kathimerini იტყობინება. 

ვიზიტის ფარგლებში თურქეთის პრეზიდენტი და საბერძნეთის პრემიერ მინისტრი კირიაკოს მიცოტაკისი გამართავენ სამთავრობო მოლაპარაკებებსა და სავაჭრო კონსულტაციებს. ლიდერები ხელს მოაწერენ თანამშრომლობის ხელშეკრულებებს ორმხრივი დავების მოსაგვარებლად. 

ერდოღანის თქმით, ათენსა და ანკარას შორის არაერთი პრობლემური საკითხია, მაგრამ „ჩვენზეა დამოკიდებული, დავუშვებთ თუ არა ამ პრობლემებს, გამოიწვიოს დაძაბულობა და უთანხმოება ჩვენს მთავრობებსა და ჩვენს ხალხს შორის.“

„დაძაბულობა არაერთხელ გამწვავდა ნატოს წევრ ქვეყნებს შორის ხმელთაშუა ზღვის ტერიტორიულ დავებსა და კვიპროსის საკითხზე, რომელიც ნაწილობრივ ოკუპირებულია თურქული ძალების მიერ“, - წერს მედია.