თეთრი სახლი ილონ მასკის ბრალდებას გამოეხმაურა, რომლის თანახმად, პრეზიდენტი დონალდ ტრამპი მთავრობის მიერ შენახულ გამოუქვეყნებელ ფაილებში ფიგურირებს.

მასალები დაკავშირებულია სექსუალური ტრეფიკინგის საქმეში ბრალდებულთან, გარდაცვლილ მილიარდერ ჯეფრი ეპშტეინთან.

მასკს არანაირი დამადასტურებელი მტკიცებულება არ წარმოუდგენია. „ეს სამწუხარო ეპიზოდია ილონის მხრიდან, რომელიც უკმაყოფილოა „ერთი დიდი და ლამაზი’’ კანონპროექტით, რადგან ის არ მოიცავს მისთვის სასურველ პოლიტიკას“.

პრეზიდენტი კონცენტრირებულია ამ ისტორიული კანონპროექტის მიღებასა და ჩვენი ქვეყნის კვლავ დიდებულად ჩამოყალიბებაზე,’’ - განაცხადა თეთრი სახლის პრესმდივანმა კაროლინ ლივიტმა.