ეპშტეინი იორკის ყოფილი ჰერცოგისთვის პრინც ენდრიუსთვის ვახშამს აწყობდა რუს გოგონასთან, სახელად ირინასთან ერთად.

ამის შესახებ The Telegraph-ი იტყობინება აშშ-ის იუსტიციის დეპარტამენტის მიერ ფინანსისტის საქმეზე გამოქვეყნებულ ახალ ფაილებზე დაყრდნობით.

ეპშტეინი ენდრიუ მაუნტბეტენ-უინძორს წერდა, რომ გოგონა 26 წლისაა, ის არის „რუსი, ჭკვიანი, ლამაზი და ნდობას იმსახურებს“. საპასუხოდ პრინცმა აღნიშნა, რომ მოხარული იქნებოდა მასთან შეხვედრით.

ასევე, დოკუმენტებში არის 2010 წლის ნოემბრით დათარიღებული ჩანაწერი: ეპშტეინი თანაშემწეს სთხოვდა, ჰერცოგისთვის „კოსმეტიკური პროცედურები“ ჩაეტარებინა.

გარდა ამისა, იმავე წელს ენდრიუმ ჯეფრი ეპშტეინი ბუკინგემის სასახლეში ქალების კომპანიაში მიიწვია და მას „სრულ კონფიდენციალურობას“ დაჰპირდა, — იუწყება Sky News-ი.

კიდევ ერთ წერილში ის ეპშტეინს ავღანეთის შესახებ კონფიდენციალურ დოკუმენტებს უზიარებდა, — წერს The Telegraph-ი.