აშშ-ის სახელმწიფო მდივანი, ენტონი ბლინკენი ორშაბათს კვლავ ისრაელში გაემგზავრება, - ინფორმაციას CNN-ი სახელმწიფო დეპარტამენტის პრესსპიკერზე, მეთიუ მილერზე დაყრდნობით ავრცელებს.

მილერის განცხადებით, ბლინკენი ისრაელის პრემიერ-მინისტრ ბენიამინ ნეთანიაჰუს და სხვა ოფიციალურ პირებს შეხვდება.

სახელმწიფო მდივანი ამჟამად კაიროში იმყოფება. 7 ოქტომბრის შემდეგ ახლო აღმოსავლეთში განვითარებულ მოვლენებთან დაკავშირებით, ის უკვე იმყოფებოდა ისრაელში, იორდანიაში, კატარში, ბაჰრეინში, საუდის არაბეთსა და არაბეთის გაერთიანებულ საამიროებში.