მისი თქმით, მიხეილ სააკაშვილი პოლიტიკური შურისძიების მსხვერპლია. 

„ძალიან მნიშვნელოვანია, რომ პირადად ვნახო, გავიგო მისი ჯანმრთელობის მდგომარეობა და ამავდროულად, მიმაჩნია, რომ მიხეილ სააკაშვილი - შურისძიების მსხვერპლი და ობიექტი, ძალიან დიდი ადამიანური და პოლიტიკური პრობლემაა ქვეყანაში. ამ საკითხზეც იმედი მაქვს ჩვენ ძალიან ვრცლად შევძლებთ საუბარს“, - აღნიშნა ელენე ხოშტარიამ. 

როგორც მან განაცხადა, საქართველოში პოლიტიკური ოპონენტების მიმართ შურისძიების ფაქტები უნდა დასრულდეს. 

„ჩემთვის პირადად ძალიან მნიშვნელოვანია ის პოლიტიკური ამოცანა, რომ საქართველოში არ იყვნენ პოლიტიკური პატიმრები და ქვეყანაში პოლიტიკური შურისძიების ციკლი სამუდამოდ დასრულდეს“, - აღნიშნა ელენე ხოშტარიამ.