ხოშტარიამ მთავრობის ადმინისტრაციისთვის „კეტჩუპის“ შესხმა სცადა, რისი საშუალებაც მას სამართალდამცველებმა არ მისცეს და დააკავეს.

„იმ ფონზე, როდესაც უკრაინელები საკუთარ სიცოცხლეს წირავენ, მათ შორის ჩვენს სახელმწიფოს და ჩვენს თავისუფლებას, ამ მთავრობაში არალეგიტიმურად მჯდომი ხალხი, მოლაპარაკებებს აწარმოებენ რუსეთთან იმისთვის, რომ სანქციების ხვრელი გახდეს საქართველო.

ნაცვლად იმისა, რომ მთელ ცივილიზებულ სამყაროსთან ერთად ვზრუნავდეთ, რომ რუსული ეკონომიკა მოეხრჩოს, იმიტომ რომ ეს ბოროტების საყრდენია, აქ აწარმოებენ მოლაპარაკებას იმაზე, რომ კომფორტი შეუქმნან რუსულ ეკონომიკას“, - აღნიშნა ელენე ხოშტარიამ.