ეკატერინე ტიკარაძემ ბუსტერდოზის გაკეთების თაობაზე ბრძანება გამოსცა

26/12/2021

02:39

A-

ჯანდაცვის მოქმედმა მინისტრმა ეკატერინე ტიკარაძემ Covid 19-ის საწინააღმდეგო ვაქცინის ბუსტერ-დოზის გაკეთების ვადებზე ბრძანება გამოსცა. მინისტრის ბრძანების თანახმად, იმ შემთხვევაში თუ აცრის პირველი კურსის დასრულების შემდეგ სამი თვე გავიდა, ბუსტერ-დოზით ვაქცინაცია შესაძლებელი იქნება.

"ბუსტერდოზით ადმინისტრირება უნდა განხორციელდეს ვაქცინაციის პირველადი კურსის დასრულებიდან მინიმუმ 3-თვიანი ინტერვალით, რაც აითვლება მეორე დოზის გაკეთების თარიღიდან. ბუსტერდოზად შესაძლებელია გამოყენებული იყოს იგივე ან სხვა ვაქცინა", – წერია ბრძანებაში.

შეგახსენებთ, ეკატერინე ტიკარაძემ 9 დეკემბერს გამართულ ბრიფინგზე განაცხადა, რომ მინისტრის პოსტს ტოვებს, თუმცა თვის ბოლომდე მოვალეობას ასრულებს.

531