გარემოს ეროვნული სააგენტო ამინდის მოსალოდნელი გაუარესების შესახებ  მოსახლეობას აფრთხილებს.

სინოპტიკოსების პროგნოზით, 2 მაისიდან 6 მაისამდე საქართველოში წვიმა, ზოგ რეგიონში კი ელჭექი, სეტყვა და ქარია მოსალოდნელი, რამაც შესაძლოა, წყალმოვარდნები და მეწყრულ-ღვარცოფული პროცესების გააქტიურება გამოიწვიოს.

„2 მაისის დღის მეორე ნახევრიდან 6 მაისამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა, ელჭექის დროს ქარის ხანმოკლე გაძლიერება.

მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, - აცხადებენ გარემოს ეროვნულ სააგენტოში.