ძლიერმა ქვიშის ქარიშხალმა თურქეთის საკურორტო პროვინცია ანტალია ნარინჯისფერ-წითელ ფერებში შეღება - ინფორმაციას ადგილობრივი პორტალი Antalyahakkinda ავრცელებს. "ჩრდილოეთ აფრიკიდან წამოსულმა ძლიერმა მტვრის ნაკადმა რეგიონი მოიცვა და ცის ფერი შეცვალა", - ნათქვამია სტატიაში. ჩრდილოეთ აფრიკიდან და ლიბიიდან წამოსულმა მტვრისა და ქვიშის მკვრივმა მასებმა, სამხრეთის ქარით ხმელთაშუა ზღვა გადაკვეთა და სამხრეთ თურქეთამდე მიაღწია. სტატიაში აღნიშნულია, რომ ყველაზე შესამჩნევი ეფექტი ალანიასა და ანტალიის სხვა რაიონებში დაფიქსირდა.