ყვარელში ძლიერმა  ქარმა და წვიმამ დააზიანა 18 საცხოვრებელი სახლის სახურავი.

ქარმა მოგლიჯა ხეები და ელექტროგადამცემი ხაზები დააზიანა.

ყვარლის მუნიციპალიტეტის მერიის ინფორმაციით, ამ ეტაპზე, ქალაქის ნაწილში აღდგენილია ელექტრო ენერგიის მიწოდება. მერიის ყველა შესაბამისი სამსახური და ასევე, საგანგებო სიტუაციების მართვის სამსახურის მეხანძრე-მაშველები უწყვეტ რეჟიმში მუშაობდნენ, უკვე გაწმენდილია გზები.

,,სიტუაციას ყვარლის მუნიციპალიტეტის მერი გივი ზაუტაშვილი და მერის მოადგილე გიორგი ქოქიაშვილი ადგილზე გაეცნენ. შესაბამისი კომისიის მიერ მიმდინარეობს ზარალის შესწავლა" - განაცხადეს მერიაში.

სტიქიამ ყვარლის გარდა ლაგოდეხის მუნიციპალიტეტიც დააზარალა, ქარმა მოგლიჯა ხეები და ელექტროგადამცემი ბოძები.