„ძალიან სერიოზული შედეგები მოჰყვება, თუ რუსეთი ამ ნაბიჯს გადადგამს, შეეცდება შეჭრას ან მარიონეტული რეჟიმის დაწესებას“, - განაცხადა რააბმა.

შეგახსენებთ, გაერთიანებული სამეფოს საგარეო საქმეთა სამინისტროს განცხადებით, ფლობენ ინფორმაციას იმის შესახებ, რომ რუსეთის მთავრობა „კიევში პრორუსი ლიდერის დაყენებას გეგმავს, რადგან ის განიხილავს უკრაინაში შეჭრას და ოკუპაციას“.

რუსეთის საგარეო საქმეთა სამინისტროში დიდი ბრიტანეთის საგარეო საქმეთა სამინისტროს მოუწოდეს, შეწყვიტოს "პროვოკაციული ქმედებები და სისულელეების გავრცელება".