“ძალიან სამწუხაროა, რომ ასე ფიქრობს,” - ასე შეაფასა შინაგან საქმეთა მინისტრმა, ვახტანგ გომელაურმა საქართველოს დამოუკიდებლობის დღეზე, პრეზიდენტ სალომე ზურაბიშვილის გამოსვლა.

"ამაზე კომენტარს ნამდვილად არ გავაკეთებ. ამ შემთხვევაში, თავს შევიკავებ. [სალომე ზურაბიშვილის კრიტიკული განცხადებები], რა თქმა უნდა, არ ვეთანხმები. იმიტომ, რომ ჩვენ ვართ ხელისუფლებაში და არასწორია. ყველაფერს, რასაც ვაკეთებთ, ვაკეთებთ ჩვენი ქვეყნისთვის და ვფიქრობთ, ეს ჩვენი სწორი არჩევანია, ვთქვათ, ამა თუ იმ მიმართულებით, რაც ქალბატონმა სალომემ ჩამოთვალა. ძალიან სამწუხაროა, რომ ასე ფიქრობს" - განაცხადა ვახტანგ გომელაურმა.