ავიაკომპანია „ჯორჯიან ეარვეისის“ დირექტორთა საბჭოს თავმჯდომარის თამაზ გაიაშვილის განცხადებით, ავიაკომპანიას ამ ეტაპზე რუსეთის ფედერაციაში რეისების შესრულების გადაწყვეტილება არ მიუღია.

გაიაშვილი ამბობს, რომ შიდა დეტალებია გასარკვევი.

„ჩვენ არ გადაგვიწყვეტია {რეისების შესრულება} იმიტომ რომ ჯერ უნდა ვნახოთ საშუალებები, რა ხდება, როგორ ხდება... ძალიან მაგარია რომ სავიზო რეჟიმი გაუქმდა, ძალიან მაგარია რომ ფრენები აღდგება. რომ ვიძახით მილიონი ადამიანი არ ცხოვრობსო, 50 ათასი ადამიანი რომ ცხოვრობდეს რუსეთში, რამდენს აქვს ჭირი და ლხინი, ზოგს დაეღუპა ვიღაცა იმ ანეკდოტის არ იყოს ქუთაისელზე მოკვდა, მოკვდა... მერე რაღად გინდა შველა? თუ დაკრძალეს კაცი, მერე რაღად გინდა იქ ჩასვლა?“, - აღნიშნა თამაზ გაიაშვილმა „მთავართან“ საუბარში.