აშშ-ის ყოფილმა პრეზიდენტმა დონალდ ტრამპმა დაადასტურა სატელეფონო საუბარი უკრაინის ლიდერ ვოლოდიმირ ზელენსკისთან. სოციალურ ქსელ Truth Social-ზე გამოქვეყნებულ პოსტში მან დაწერა, რომ ზელენსკიმ მიულოცა აშშ-ის პრეზიდენტობის კანდიდატად წარდგენა.

აშშ-ის ყოფილმა პრეზიდენტმა კიდევ ერთხელ გაიმეორა, რომ არჩევნებში გამარჯვების შემთხვევაში, რაშიც ის დარწმუნებულია, ის შეძლებს დაასრულოს ომი უკრაინაში, "რომელმაც ამდენი სიცოცხლე შეიწირა და გაანადგურა უამრავი უდანაშაულო ოჯახი".

"ორივე მხარე შეძლებს შეიკრიბოს და მოლაპარაკება გამართოს შეთანხმებაზე, რომელიც დაასრულებს ძალადობას და ხსნის გზას კეთილდღეობისკენ", - დაწერა ტრამპმა.