UFC-ის პირველმა ქართველმა ჩემპიონმა, ილია თოფურიამ „იმედის კვირაში“ მისთვის საქართველოს მოქალაქეობის შენარჩუნების მნიშვნელობაზე ისაუბრა.

მან პრემიერ-მინისტრთან, ირაკლი კობახიძესთან შეხვედრა გაიხსენა. ირაკლი კობახიძემ შეხვედრაზე აღნიშნა, რომ ესპანეთის მოქალაქეობის მინიჭების პარალელურად მნიშვნელოვანია, რომ თოფურიას ჰქონოდა საქართველოს მოქალაქეობა.

„ძალიან მნიშვნელოვანი იყო ესპანეთის მოქალაქეობაც რომ მიმეღო და საქართველოს მოქალაქეობაც შემენარჩუნებინა. კიდევ ერთხელ, ძალიან დიდი მადლობა ყველა იმ ადამიანს, ვინც ჩართული იყო მთლიანად ამ პროცედურაში. შეუძლებელი შესაძლებელი გახადეს და ორივე ქვეყნის მოქალაქეობა შევინარჩუნე“, - განაცხადა თოფურიამ.