დუბაიში, საცხოვრებელ შენობაში გაჩენილ ხანძარს 16 ადამიანის სიცოცხლე ემსხვერპლა. „ბიბისის“ ცნობით, დაშავებულია ცხრა პირი. შემთხვევა დუბაის ერთ-ერთ უძველეს რაიონში, ალ რასის უბანში მოხდა.

ცეცხლი ხუთსართულიანი საცხოვრებელი სახლის მეოთხე სართულზე გაჩნდა.

დუბაის სამოქალაქო თავდაცვის განცხადებით, ხანძრის გაჩენის მიზეზი შენობაში უსაფრთხოების სტანდარტების დარღვევა გახდა. დაწყებულია გამოძიება.

ალ რასის რაიონი დუბაის ოქროსა და სანელებლების ბაზრებთან მდებარეობს, რომლებიც ტურისტებში პოპულარული ადგილებია.