აშშ-ის პრეზიდენტის, დონალდ ტრამპის გუნდი კატეგორიულად გამორიცხავს უკრაინის დაბრუნების შესაძლებლობას არა მხოლოდ 2014 წლის, არამედ 2022 საზღვრებში, – ინფორმაციას ამის შესახებ „სქაი ნიუსი“ ავრცელებს.

გავრცელებული ცნობით, აშშ-ის ოფიციალურმა პირებმა განაცხადეს, რომ მათ „არ სურთ, მოისმინონ“ უკრაინული მოთხოვნა ქვეყნის საზღვრების დაბრუნებასთან დაკავშირებით.

„სქაი ნიუსი“ წერს, რომ დღეს შეერთებულმა შტატებს სურს, მოლაპარაკებებზე დაინახოს, რას დათმობს კიევი და, როგორც ჩანს, უკრაინელებს მოუწევთ საკმაოდ მტკივნეულ დათმობებზე წასვლა.

ცნობისთვის, საუდის არაბეთის ქალაქ ჯიდაში აშშ-ისა და უკრაინის დელეგაციებს შეხვედრა მიმდინარეობს. შეხვედრის ძირითადი თემები არის მშვიდობის მიღწევის პერსპექტივები და უკრაინისა და აშშ-ის ორმხრივი ურთიერთობები.