დონალდ ტრამპის ადმინისტრაციამ იმ ქვეყნების სია გააფართოვა, რომელთა მოქალაქეებსაც აშშ-ის ვიზის სანაცვლოდ საგარანტიო თანხის სახით 15 000 დოლარამდე გადახდა მოუწევთ. სიას კიდევ 25 ქვეყანა დაემატა.

შესაბამისი ინფორმაცია აშშ-ის სახელმწიფო დეპარტამენტის ვებგვერდზეა გამოქვეყნებული.

სიაში ძირითადად აფრიკის, ლათინური ამერიკის და სამხრეთ აზიის ქვეყნები მოხვდნენ.

სახელმწიფო დეპარტამენტის ცნობით, სიაში სულ 38 ქვეყანაა მოქცეული. მათი უმეტესობისთვის თანხის გადახდა სავალდებული 21 იანვრიდან გახდება.

„ნებისმიერი მოქალაქე, რომელიც მოგზაურობს ამ ქვეყნებიდან ერთ-ერთის მიერ გაცემული პასპორტით და რომელსაც სხვაგვარად აქვს B1/B2 ვიზის მიღების უფლება, ვალდებულია წარადგინოს საგარანტიო თანხის სახით 5 000, 10 000 ან 15 000 დოლარის ოდენობის ფინანსები“, – ნათქვამია სახელმწიფო დეპარტამენტის ვებგვერდზე.

აშშ-ის მთავრობამ განაცხადა, რომ ობლიგაციების მიზანია, ხელი შეუშალოს ვიზიტორებს, რომ არ გადააჭარბონ ტურისტული ან საქმიანი მიზნებისთვის განკუთვნილ ვიზებს.

გასული წლის იანვარში თანამდებობის დაკავების შემდეგ, დონალდ ტრამპმა მკაცრი საიმიგრაციო პოლიტიკა გაატარა, რაც დეპორტაციის კამპანიას, ვიზებისა და მწვანე ბარათების გაუქმებას და სოციალურ მედიაში პოსტებისა და იმიგრანტების წარსული გამოსვლების შემოწმებას მოიცავს.