აშშ-ის პრეზიდენტი დონალდ ტრამპი ირანის სულიერი ლიდერის, აიათოლა ალი ხამენეის მიერ გაკეთებულ განცხადებას პასუხობს, რომლის მიხედვითაც, ამერიკელებმა უნდა იცოდნენ, რომ ირანელი ერი არ ნებდება.

დონალდ ტრამპმა ჟურნალისტის შესაბამისი კითხვის საპასუხოდ განაცხადა: „წარმატებები“.

ამასთან, შეკითხვაზე, როდის ამოეწურება ირანის მიმართ მოთმინება, ტრამპმა უპასუხა: „ის უკვე ამოიწურა, სწორედ ამიტომ ვაკეთებთ იმას, რასაც ვაკეთებთ“.

ირანის სულიერმა ლიდერმა, აიათოლა ალი ხამენეიმ განაცხადა “ამერიკელებმა უნდა იცოდნენ, რომ ირანელი ერი არ ნებდება და მათი მხრიდან ნებისმიერი სამხედრო ჩარევა უდავოდ გამოუსწორებელ ზიანს გამოიწვევს“.